WhatsApp објави дека открил напреден сајбер напад кој искористил низа безбедносни ранливости во апликацијата.


Покрај тоа, беа искористени и ранливости во уредите на Apple, објави денес Ројтерс.

Во кратко соопштение, апликацијата во сопственост на Meta соопшти дека поправила безбедносна ранливост што им дозволувала на хакерите да искористат друга ранливост во уредите на Apple и да ја преземат контролата врз телефоните.

WhatsApp соопшти дека помалку од 200 корисници ширум светот биле потенцијално погодени од хакерскиот напад.

Истражувач од Amnesty International изјави дека неидентификувани членови на групи од граѓанското општество се меѓу погодените и дека неговата група почнува да собира форензички податоци од потенцијални жртви.

Во објава на платформата X, тој рече дека и други апликации покрај WhatsApp можеби биле погодени од хакерскиот напад.