За прв пат Windows 11 го престигна Windows 10 по бројот на корисници на платформата Steam.


Оперативниот систем Windows 11 на Microsoft го престигна Windows 10 на Steam по бројот на корисници, што е прв пат за сегашниот оперативен систем од неговото лансирање во 2021 година.

Windows 10 добро се држеше во последниве години, и покрај тоа што Microsoft планира да ја прекине поддршката за „десетката“ во октомври 2025 година. Сега има знаци дека усвојувањето на Windows 11 конечно се движи во вистинската насока.

Податоците од августовското хардверско истражување за Steam го ставаат Windows 11 на 49 проценти, што е зголемување од над 3% од јули. Во истиот период, бројот на корисници на Windows 10 падна за околу три проценти и сега е на 47 проценти.

Кога станува збор за acOS и Linux, нивната статистика остана главно непроменета во текот на август.

Во текот на претходната година се зголеми и бројот на корисници на Windows 11 на веб. Така, во јули 2023 година, Windows 11 имаше пазарен удел од околу 23 отсто, а во август 2024 година се искачи на речиси 32 отсто, како што наведува StatCounter.