Студиото Polaris Quest, филијала на Tencent, ја претстави својата нова видео игра наречена Light of Motiram. Има само еден проблем – таа е неверојатно слична на нешто што веќе постои.


Порталот HCL на хумористичен начин го нарече Light of Motiram – „Horizon од Тему“, а мораме да забележиме дека не погрешиле многу.

Кога ќе ги погледнете сите презентирани визуелни слики, навистина е неверојатно како некој правен тим дозволил игра толку слична на мегапопуларен наслов како Horizon да ја види светлината на денот.

Не се работи само за визуелниот дел, туку и за заплетот на самата игра. Light of Motiram ни ја раскажува приказната за светот со кој управуваат механички животни по распадот на човечката цивилизација, а човечките племиња сакаат да ги скротат.

Ако сето горенаведено ви звучи како Horizon, во право сте, токму тоа е заплетот на двете игри.

Сè уште нема конкретни најави од Sony, компанијата зад Horizon.