Конечно добивме датум на објавување за новиот Football Manager.


Откако објавувањето на новата игра од оваа серија беше откажано минатата година, FM26 доаѓа на PC, PlayStation, Xbox и Xbox Game Pass на 4 ноември.

FM26 Mobile ќе биде достапен истиот ден за претплатниците на Netflix на iOS и Android уреди, а FM26 Touch ќе биде објавен на 4 декември за Nintendo Switch.

Sports Interactive имаше многу проблеми со развојот на FM25, и во одреден момент кога сфатија дека е предоцна и дека не се подготвени, едноставно го откажаа. Повеќето од проблемите беа со новиот графички мотор, се велеше во тоа време.

Football Manager 2026 носи многу иновации. За прв пат во франшизата, ќе имаме можност да управуваме со женски фудбалски тимови, а неодамна беше објавен првиот трејлер со нов поглед на натпреварите.

Извршниот директор на Sports Interactive, Мајлс Џејкобсон, изјави дека тоа „ги поставува темелите за следните 20 години“, а покрај новиот Unity „енџин“ и женскиот фудбал, играта ќе има и лиценца за Премиер лигата, редизајниран изглед и поголема употреба на вештачка интелигенција.