Honor официјално ги лансираше своите најнови водечки модели, Magic8 и Magic8 Pro, во Кина. Очекуваме наскоро да бидат достапни глобално, а еве што носат.


Најновите водечки телефони имаат неколку ажурирања, вклучувајќи ново AI копче, а двата модели се напојуваат со процесорот Snapdragon 8 Elite Gen 5.

Honor Magic8 Pro нуди троен систем на задни камери предводен од телефото објектив од 200MP, кој користи сензор од 1/1,4 инчи со објектив со бленда f/2,6, поддршка за 3,7x оптички зум и OIS.

Заедно со него, има примарна камера од 50MP со сензор од 1/1,3 инчи, бленда f/1,6 и OIS, а целата поставеност е заокружена со ултраширока камера од 50MP што нуди видно поле од 122 степени.

На предната страна, телефонот има 6,71-инчен OLED LTPO дисплеј со брзина на освежување од 120Hz, резолуција од 1256×2808 пиксели и импресивна осветленост од 6.000 нити.

За биометрија, Magic8 Pro има предна камера од 50MP, 3D камера за длабочина за отклучување со лице и 3D ултразвучен скенер за отпечатоци од прсти.

Во однос на моќноста, кинеската верзија има голема Si-C батерија од 7.200 mAh, додека европската верзија има батерија од 6.270 mAh. Поддржува брзо полнење со жично полнење до 100W и безжично полнење од 80W.

Од софтверска гледна точка, телефонот работи на MagicOS 10 и нуди функции на вештачка интелигенција до кои се пристапува преку прилагодливо AI копче кое се активира со долго притискање.

Honor Magic8
Основниот модел, Honor Magic8, исто така е напојуван од Snapdragon 8 Elite Gen 5 и доаѓа со помал 6,58-инчен OLED LTPO дисплеј со слични спецификации како Pro варијантата.

И овој модел вклучува АИ копче. На задната страна, Magic8 има примарен сензор од 50MP 1/1,56-инчи со OIS, ултраширока камера од 50MP и телефото единица од 64MP со 3x оптички зум. За селфи фотографии, на предната страна има камера од 50MP.

Она што го нема кај овој модел е 3D камера за длабочина за биометрија, но нуди ултразвучен скенер за отпечатоци од прсти.