Серијата часовници Infinity му помогна на брендот J.N. Shapiro да се најде на радарот на колекционерите во 2018 година, а сега пристигнува нова верзија – моделот Infinity Series Pure.


Овој часовник ги задржува препознатливите шари и тродимензионалните стрелки по кои е познат Shapiro, но сега доаѓа во најтенкото куќиште досега. Со дијаметар од 37 мм и дебелина од 8,8 мм, куќиштето е изработено од не’рѓосувачки челик, што го прави удобен на зглобот.

Часовникот е достапен во две верзии: едната со белозлатни стрелки на сив бројчаник и црно кожно ременче, додека другата има розовозлатни стрелки на мат сребрен бројчаник и доаѓа со кафеаво ременче.

Броевите, скалата за минути и часови, како и малиот бројчаник за секунди се гравирани на бројчаникот, а стрелките се рачно обликувани и полирани. Задната страна на часовникот е исто така рачно гравирана, објавува Индекс.

Часовникот работи на механизам La Joux-Perret F200, кој овозможува рачно навивање и резерва на енергија од 90 часа. Часовниците се водоотпорни до длабочина од 50 метри.

Часовниците се ограничени на само 18 парчиња по боја и се достапни по барање на официјалната веб-страница на брендот. Цената на часовникот е 26.000 американски долари, што е приближно 22.745 евра.