пред 3 години Навивач на англиската фудбалска репрезентација, кој емитуваше видеострим на својот фејсбук-профил додека во живо испраќаше расистички навреди кон репрезентативците Маркус Рашфорд, Џејдон Санчо и Букајо Сако, по финалето на Евро 2020, е осуден на казна затвор од десет недели.
52-годишниот Џонатон Бест тогаш ги навреди тројцата англиски фудбалери, кои ги промашија пеналите против Италија на лондонски „Вембли“.
Бест го осуди лондонскиот Суд за прекршоци откога тој призна дека е виновен за испраќање навредливи или непристојно пораки преку социјалните мрежи, соопшти Британското државно обвинителство.
„Додека мнозинството од нацијата беше горда бидејќи трите лава стигнаа до своето прво финале по повеќе од 50 години, Џонатон Бест ги користеше социјалните мрежи за јавно да ги оцрни овие три момчиња“, посочи во соопштението ЦПС.
Бест беше пријавен во полиција од страна на еден од неговите фејсбук-пријатели кога одбил од својот профил да го отстрани видеото во траење од 18 секунди.
Би можело да ве интересира
Модна ревија со фустани од чоколадо и скулптура висока четири метри на саем за чоколадо во Париз
Од рак почина македонскиот фудбалер Ѓорѓе Џонов
(Фото) На забава на Тејлор Свифт во Сиднеј стотина гости се заразиле од коронавирус
Џон Кенеди бил вљубен во Бугарката Виолета па често доаѓал во Софија
Лечиќ ги покани жртвите на Мика Алексиќ да се префрлат во неговото училиште: Актерската фела згрозена по објавта дека дека двајцата ги силувале своите колешки
Дејвид Бекам ѝ го забрани мобилниот на Викторија
