пред 2 часа Градоначалникот на Општина Битола, Тони Коњановски, информираше дека денеска интензивно се работи на 10 различни локации низ градот, со цел подобрување на инфраструктурата, условите за образование и спорт, како и уредување на јавниот простор.
Градежни и комунални активности се реализираат на улиците „Леринска“, „210“, „Панде Кајзеро“ и „Ѓорги Димитров“, како и во СТУ 9 и СТУ 3.
Паралелно се изведуваат работи и во повеќе образовни и спортски објекти, меѓу кои градинката АРМ, градинката „Климент Охридски“, спортските терени во ОУ „Климент Охридски“ и спортските терени кај Стрелиште.
„Продолжуваме со засилена динамика на терен и реализација на проекти кои директно го подобруваат квалитетот на живот на граѓаните. Наш приоритет е развојот на секој дел од Битола и создавање подобри услови за сите генерации“, истакна Коњановски.
Од Општина Битола најавуваат дека активностите ќе продолжат и во наредниот период, согласно планираната програма за инфраструктурен развој на градот.
Би можело да ве интересира
(Фото) Пет бои ќе ја одбележат есента 2025 година: која е вашата омилена?
Почина поранешниот папа Бенедикт Шеснаесетти, првиот што поднесе оставка по 1415 година
Зависник од брз секс и женски гради, принцот Џефри Болкија од Брунеј поседува харем од 40 жени
Настапот на Танец во Струмица поздравен со стоечки овации и долг аплауз
Сеад Липовача од „Дивље јагоде“ ја преработи „Македонско девојче“
Македонија повторно се вклучува во акцијата Часот на планетата Земја
