Внукот на Оливер Драгојевиќ го очекува шестото дете

Внукот на Оливер Драгојевиќ, Петар Драгојевиќ, и неговата сопруга Андреа наскоро ќе станат родители по шести пат, во август, а се во брак осумнаесет години.

Хрватскиот пејач Петар Драгојевиќ и неговата сопруга Андреа неодамна открија дека го очекуваат своето шесто дете, кое треба да се роди во август, а веста стигна до медиумите и одекна низ целиот регион, иако тие сакаа да ја чуваат во тајност, пишува Story.hr.

Според пејачот, внук на легендарниот Оливер Драгојевиќ, иако тој и неговата сопруга отсекогаш се надевале на деца, во минатото никогаш не помислиле дека ќе имаат шест наследници. Двојката веќе ги има синовите Дејвид, Емануел, Јона и Ноа, и ќерката Дебора Марија.

„Како и нашето прво дете, со радост го пречекавме новото! Таа е веќе мала личност која расте со нас“, призна тој, а потоа се осврна на изминатата година, која беше тешка за неговото семејство.

„Во септември ја загубивме мајката на Андреа и семејството многу тешко го поднесе тоа, особено децата, па веруваме дека радоста дојде од небото“, рече Петар.

Тој е во брак со својата сопруга Андреа осумнаесет години, а пред тоа беа во врска пет години. Тие се запознале во омилено кафуле, а пејачот верува дека тајната на долгиот брак лежи во простувањето и трпението.