Драма пред свадбата на Тејлор Свифт и Тревис Келси? Гостинка револтирана поради едно правило

Тејлор Свифт и Тревис Келси повторно се во центарот на вниманието, но овојпат не поради музика или спорт, туку поради детали поврзани со нивната наводна свадбена церемонија. Според странските медиуми, една од поканетите гостинки изразила незадоволство откако наводно добила покана без можност да донесе придружба.

Неименуваната гостинка за странски медиум изјавила дека била разочарана од правилата за присуство на свадбата, тврдејќи дека како самохрана жена не добила дозвола за „плус еден“, додека други гости, според неа, можеле да дојдат со партнери.

„Што треба да направам? Да одам сама? Тоа е многу непријатно. Не сум сигурна дека познавам доволно луѓе таму“, наводно изјавила таа.

Таа посочила дека дел од гостите, меѓу кои и блиски пријатели на пејачката, ќе присуствуваат со своите партнери, поради што чувствува дека правилата не важат еднакво за сите.

Според информациите што циркулираат во медиумите, свадбената церемонија на Тејлор Свифт и Тревис Келси наводно е планирана за 3 јули во Њујорк, а локацијата ќе им биде откриена на гостите дури наутро на денот на настанот, од безбедносни причини.

Извори блиски до двојката претходно тврдеа дека поп-ѕвездата и играчот на американски фудбал се свршиле во август 2025 година по две години врска. Наводно, меѓу поканетите гости се наоѓаат бројни познати личности од светот на музиката, спортот и филмската индустрија.

Сепак, важно е да се напомене дека дел од овие информации се базираат на анонимни извори и засега нема официјална потврда од претставници на Тејлор Свифт или Тревис Келси.