Жалам што никогаш не станав мајка, вели српската глумица Горица Поповиќ

Српската глумица Горица Поповиќ, најпозната по улогата во серијата „Подобар живот“, не зборува често за приватноста. Малкумина знаат дека Горица е 29 години во брак со саксофонистот Неша Петровиќ, но тие немаат деца. Неодамна во интервју, познатата актерка призна дека во живото единствено жали што не успеала да стане мајка.

„Мажена сум за џез саксофонистот Неша Петровиќ. Тој навистина не сака да го споменувам во медиумите. Следната година славиме 30 години брак. Тој свири во ‘Оркестар за пушење без пушење’ од 1999 година. Со него го пропатував целиот свет. Тој е голем човек, ми даде сè. Но понекогаш се каам што не станав мајка. Сепак, тоа не е товар што ми лежи на срцето. Детето би било дар, но се живее и без тоа“, рекла актерката во интервју за „Курир.рс“.

Во текот на својата кариера снимила многу филмови и серии, играла во театар, ги доби наградите „Шанка Стокиќ“ и „Павле Вуисиќ“, а за неа е снимен е документарен филм.

„И монографијата е подготвена, но короната ја прекина нивната промоција. Кога ми кажаа што сè сум работела во животот, сфаќам дека дури и не се сеќавам на некои работи. Не можам да се пожалам дека не работев. Сега, се обидувам да не размислувам за смртта и староста. Но, кога ќе ме фати криза, секогаш си велам: ‘Горице, само погледни напред и знај дека ќе видиш светлина,“ рекла таа.