Започна „Си Денс“: Милијарди стримови, светски хитови и големи музички ѕвезди на плажата во Бечиќи

Фестивалот „Си Денс“ започна вчера, 28 август, на плажата во Бечиќи, а музичката програма во Будва ќе трае до 30 август. Публиката ја очекуваат три фестивалски дена исполнети со светски денс, поп и техно-ѕвезди, но и со добро познати регионални изведувачи.

Ѕвездената програма ја предводат Хугел, Шарлот де Вит, Џон Њуман, Дара, Енрико Санџулијано, Борис Брејча и Бурак Јетер, а регионалниот звук го носат „Ху Си“ и „Бед Копи“.

На репертоарот се песни што ги освоија светските топ-листи, клубовите и најголемите фестивали, а хитовите на изведувачите од годинашната програма заедно имаат повеќе од 4,4 милијарди преслушувања на музичките платформи.

Хугел ги носи најголемите актуелни денс-хитови

Француската денс-ѕвезда Хугел пристигна на Јадранот како еден од главните изведувачи на годинашниот „Си Денс“. Неговиот актуелен сингл „Movin’ To The Sun“ се искачи на првото место на американската листа „Билборд денс ерплеј“, како и на британската и европската листа на „Ајтјунс“.

Песната се најде на врвот и на официјалните британски листи за продажба и преземање синглови, а шест недели го држеше првото место на „Битпорт“.

Хугел моментално има две песни меѓу трите водечки позиции на глобалната листа на „Шазам“. „Movin’ To The Sun“ е на првото место, додека „Jamaican (Bam Bam)“ се наоѓа на третата позиција.

 

„Movin’ To The Sun“ веќе има повеќе од 80 милиони преслушувања, додека „I Adore You“ се приближува до бројката од 700 милиони стримови на „Спотифај“. Хитот „Jamaican (Bam Bam)“, пак, надмина 180 милиони преслушувања.

Со вакви бројки, Хугел во Будва го носи звукот што ја одбележа светската денс-сцена во последните две години.

 

Две милијарди преслушувања со хитовите на Џон Њуман

Британскиот пејач и хитмејкер Џон Њуман пристигнува со песни што одамна станаа неизоставен дел од големите фестивалски настапи.

Неговиот хит „Love Me Again“, со кој се проби меѓу најпознатите имиња на светската поп-сцена, има повеќе од една милијарда преслушувања на „Спотифај“. Видеозаписот за песната, исто така, надмина 1,1 милијарда прегледи на „Јутјуб“.

Сличен успех постигна и „Blame“, соработката на Њуман со Калвин Харис. Песната има повеќе од една милијарда преслушувања и со години останува препознатлива фестивалска химна.

Дара ја носи победничката „Бангаранга“

Во рамките на фестивалската програма на плажата во Бечиќи пристигнува и песната што годинава ја освои Европа.

Дара пред публиката ќе ја изведе „Бангаранга“, победничката песна на Евровизија, со која забележа една од најубедливите победи во историјата на натпреварувањето.

По големата евровизиска сцена, „Бангаранга“ ќе добие и фестивалско издание на јадранскиот брег.

Техно-спектакл со Шарлот де Вит и Енрико Санџулијано

Љубителите на техно-музиката ги очекуваат настапите на Шарлот де Вит и Енрико Санџулијано. Нивната верзија на култната песна „The Age of Love“ одамна ги надмина границите на андерграунд сцената и собра повеќе од 100 милиони преслушувања на „Спотифај“.

Станува збор за композиција што редовно ги создава најмоќните моменти на нивните настапи, а сега ќе одекне и на плажата во Бечиќи.

Борис Брејча пристигнува со својот препознатлив хај-тек минималистички звук. Меѓу најочекуваните песни од неговиот сет е „Gravity“, еден од неговите најголеми хитови, кој се приближува до 100 милиони преслушувања на „Спотифај“.

„Tuesday“ ќе грми од сцената на „Си Денс“

Бурак Јетер во Будва го носи „Tuesday“, еден од најпознатите денс-хитови во последната деценија.

Песната има повеќе од една милијарда прегледи на „Јутјуб“ и над 740 милиони преслушувања на „Спотифај“. Таа ги освојуваше топ-листите во повеќе од 95 земји и одамна има статус на глобална фестивалска химна.

Покрај „Tuesday“, Јетер ја носи и „Weekend“, соработката со Димаш, која е подготвена за уште една жешка фестивалска ноќ во Будва.

Регионални хитови на вистинското место

Регионалниот звук на фестивалот го носат и црногорското хип-хоп дуо „Ху Си“ и белградската група „Бед Копи“.

Тешко е да се замисли посоодветна локација за изведбата на хитот „Đe se kupaš?“ од плажата во Бечиќи. Песната на „Ху Си“ ќе биде изведена токму во амбиентот за кој е создадена.

„Бед Копи“, пак, го носат препознатливиот регионален звук и песната „Esi mi dobar?“, која со години има култен статус меѓу публиката.

Фестивалот трае до 30 август

Од поп-хитовите на Џон Њуман и актуелните денс-синглови на Хугел, преку победничката песна на Евровизија и техно-класиците, до регионалните химни што публиката ги препознава уште од првите тактови, „Си Денс“ и годинава нуди богата програма.

Фестивалот започна на 28 август и ќе трае до 30 август, а плажата во Бечиќи во текот на трите фестивалски дена ќе биде центар на регионалната музичка сцена.

Информациите за целосната програма, распоредот, влезниците и правилата за посетителите се објавени на официјалната веб-страница на фестивалот: https://exit2montenegro.me/secure-your-spot/