Конзерви, чевли и текстил главен отпад на Хималаите, планинари се вклучија во акција за чистење

„Планинарите ги претворија Хималаите во огромна корпа за ѓубре“, тврдат планинарите кои учествуваат во акцијата за чистење на Хималаите, пишува Тајмс.

Лук Боиснард, планинар кој беше дел од експедицијата која расчисти 3,7 тони отпад од Макалу, петтиот највисок врв во светот и Анапурна, десеттиот највисок врв во светот, основаше „Хималајан Клин Ап“, кампања за чистење за да се подигне свеста за загадувањето на планините.

„Зад секој камен има многу конзерви, чевли, текстил. Навистина е ужасно. 45 отсто од отпадот е пластика“, велат алпинистите.

Боиснард тргнал во акција со 17 луѓе, меѓу кои и 10 шерпаси, кои собирале ѓубре, но бил принуден да се откаже откако добил белодробна инфекција.

Инаку, во 2014 година, непалските власти воведоа закон според кој планинарите треба да остават ѓубре пред да се искачат. Надоместокот е 528.000 непалски рупии за Еверест и 396.300 за други врвови. Доколку алпинистите вратат 8 кг отпад (колку носат со себе), депозитот се враќа.

Сепак, анализите покажаа дека оваа тактика е неефикасна бидејќи многу малку алпинисти ја следат.