Македонската таеквондистка Милијана Рељиќ освои сребро во Талин на Г1 Опен.
Рељиќ во естонскиот град имаше три победи против натпреварувачки од Финска, Германија и Норвешка, а претрпе пораз во финалето од таеквондистка од Бразил.
Во првото коло Рељиќ триумфираше против Вилхемила Хаинонен од Финсла со 2:0 во рунди. Потоа, во второто коло ја совлада Германката Лаура Гебер со 2:1 во рунди, а во полуфиналето издвојуваше победа над Каролине Гјелсвик од Норвешка со 2:0 во рунди.
Во финалната борба Каролине Сантос од Бразил издвојува победа од 2:0 во рунди, иако во втората рунда резултатот беше 3:2. Ова е четврти медал годинава за македонската таеквондистка од најсилните Г турнири од светската лига и нови поени за олимписката ранкинг листа.
Рељиќ пред три дена настапи на Европското Првенство во олимписки категории каде беше петтопласирана.