Моден водич по триесеттата – Reporter.mk

Влегувањето во триесеттата година од животот со себе воглавно ја носи потребната доза на сериозност, онаа генералната, но и модната. Кога ќе се заситиме од младешките модни хирови, во плакарот ќе посакаме и одредени класики кои ќе ни послужат во секоја прилика.

Магазинот Вог одлучил да се позанимава со гардероберот на возрасните и состави листа на модни парчиња и додатоци кои би требало да ги имаме во плакарот после триесеттата година.

1. Класичен дождовен мантил

Добро оди со сè, заштитува од дожд… Што повеќе можете да побарате од тенкиот капут?

2. Удобни црни чизми

Еден пар квалитетни чизми ќе ве однесе од дома до работа, па на пијалак, на излегување, потенцијално каде и да посакате во текот на целиот ден.

3. Добро скроени пантолони

Вог вели токму добро скроените пантолони се модно парче во кое ќе изгледате деловно.

4. Голема деловна чанта

Префинета, едноставна и практична.

5. Блејзер

Квалитетен и добро скроен блејзер е најдоброто модно парче за возрасни.

6. Бела кошула

Доколку досега сте издржале без неа, импресионирани сме. Но, сега е време за инвестиција.

7. Коктел фустан

Од различни забави и вечерни излегувања до венчавки – нема свечена прилика во која коктел фустанот нема да ви послужи.

8. Чантата која долго време ја посакувате

Можеби во неа не може да собере повеќе од телефон, но до триесеттата морате да се почестите со таа убава чантичка која ја посакувате уште откако почнавте да ја следите модата.

9. Добри патни торби

Вог препорачува да инвестираме во добри куфери, наместо да натураме работи во што ќе стигнеме.

10. Црни салонки

Никогаш не знаете кога ќе ви требаат и имате чувство дека во нив можете да завладеете со светот.

11. Добро скроени фармерки

Изберете модел кој му ласка на вашето тело и држете се до него. Уште подобро, набавете го тој истиот модел во секоја боја и стил, советува Вог, кој добро знае дека фармерките котираат високо на листата на модни приоритети кај жените.

12. Парчето накит кое ќе го наследи вашата ќерка

Тие еден ден ќе ви бидат благодарни поради тоа!

13. Фустан за формални прилики

Вог препорачува во орманот секогаш да имаме еден формален фустан: Со годините доаѓа и одговорноста, вклучувајќи го и одењето на свечените настани. Осигурете се со изборот на една црна тоалета или елегантен вечерен фустан.

14. Градник кој навистина ви прилега

Овде навистина нема место за компромис.

15. Шик комбинезон

Дамите кои не се љубителките на фустани и здолништа за разни гламурозни настани, можат да поминат во комбинезон.

16. Плетени парчиња

Вог советува да одберете било какво модно парче затоа што тие се незаменливи во зимските месеци.

17. Малиот црн фустан

Добриот мал црн фустан во триесеттите е еднакво важен како и во помладите денови.

18. Кожена јакна

Најголема предност е тоа што прилега со сите модни парчиња и стилови.

19. Модна комбинација во која ќе се чувствувате како милион долари

Без разлика на тоа дали се во прашање неконвенционални чевли, непрактични пантолони или непознат фустан, ако тоа ве усреќува, тогаш би требало да го имате во својот орман!

20. Одело

Вог ја разбира важноста на практичноста и важноста на доброто одело по триесеттата година: Учете од постарите и инвестирајте во оделото. Веднаш!

21. Тренерка

Постојат тренерки во кои сакаме да се одмориме од модните игри, а тогаш во игра се враќаат за многумина омилената тренерка, идеална за опуштени пригоди.

22. Удобна пижама

Вог преферира свилени пижами, но еднакво добри ќе бидат и значително поевтините и еднакво удобните памучни варијанти.

23. Летни сандали

Кога во прашање е моделот на сандали, нема правила. Бирајте го она што најмногу ви се допаѓа и во што вашата нога ќе ја има потребната удобност.

24. Свилена марама

Без разлика на тоа колку често ја носите, убавата свилена марама е идеален и сестран моден додаток.

25. Патики

Потпетиците се супер, но ќе ви требаат еден пар патики за да можете удобно да трчате со своето куче, дете или да шетате со партнерот во текот на викендот.

26. Впечатливи обетки

Носете ги горделиво и спојте ги со било кое парче на оваа листа.

27. Очила кои одговараат на обликот на вашето лице

Вог советува наместо неприкладните модели, да го пронајдат оној кој во потполност ви одговара и ласкаат. Проверете кои очила најдобро ви одговараат во склад со обликот на вашето лице.

28. Часовник

Часовникот секогаш ќе биде еден од најпрактичните модни додатоци.

29. Бела маичка

По можност една со долги и една со кратки ракавици, обична бела маичка може да биде додаток во речиси секоја модна комбинација и затоа мора да ја имате.

30. Зимски капут

Во текот на зимата ништо не може да го замени атрактивниот и топол капут.