На стрмна карпа висока 3.454 метри изградена е швајцарската опсерваторија „Јунгфраујох“

Јунгфраујох на западот на Швајцарија многумина го сметаат за едно од најубавите места во земјата, а го нарекуваат и Врв на Европа.

Овој планински врв се издига до 4.158 метри, а на височина од 3.454 метри ќе ја најдете највисоката европска железничка станица, како и импресивна опсерваторија.

Планинските врвови се класичен пример за сурова средина, која служи како идеална за разни истражувања, од физиолошки до астрономски. Кога станицата „Јунгфраујох“ на Бернските Алпи беше отворена во 1912 година, таа им овозможи на љубопитните научници лесен пристап до голема надморска височина. Опсерваторијата „Сфинга“ се издигна во 1937 година на стрмна карпа.

Со неколку лаборатории, метеоролошка станица, астрономски куполи и телескоп од 76 см, „Сфингата“ се користела за проучување на глациологијата, медицината, физиката на космичките зраци и астрономијата. Со текот на годините „Сфингата“ беше надградена и приспособена на потребите на научниците.

Денес, опсерваторијата е целосно опремена со струја, вода, телефон и интернет. До меѓународната истражувачка станица и до опсерваторијата може да се стигне со воз и со ултрабрз лифт, кој се искачува на висина од 108 метри за 25 секунди. На патот кон „Сфингата“ посетителите не треба да решаваат загатки како од приказните за ова митолошко суштество – тоа може да им го препуштат на истражувачите. Доволно е да дозволите да уживате во погледот на околните врвови и природата. Панорамскиот поглед од терасата затворена со решетки гледа над снежните Алпи, зелените долини и глечерот Алеч, најдолгиот на Алпите, кој се протега до Германија и Италија.