Нова љубов на естрадата: Павле Камилоски во врска со планинарката Ирина Дишовска

Македонскиот музичар и уметник Павле Камилоски е во љубовна врска со планинарката Ирина Дишовска. Нивната врска ја официјализираа пред извесен период кога Дишовска објави заедничка фотографија.

Ирина е тетовчанка, која  од 15 години е заљубена во планинарењето. Таа во 2020 година го искачи врвот Ама Даблам на Хималаите, кој претставува еден од најголемите предизвици за сите планинари.

Павле потекнува од познато угостителско семејство, кое веќе 12 години го работи единствениот хотел „Неда“ во Галичник, често сврталиште и на обичните луѓе, но и на многу наши јавни личности или од странство.

Од работа на брод до музика – не било лесно. Победата на талент-шоуто на бродот на кој работел е всушност моментот кога решил да почне да пее.

„На 27 години почнав да си го школувам гласот. Вљубен во медитеранската музика почнав да пеам и такви песни. Тоа ми донесе и интерпретации на песни по кои станав познат, но, конечно, и изведба на мои песни“, раскажува Камилоски. Неодамна ја промовира „Љубовна рапсодија“ и вели дека е задоволен како ѝ се допаднала на публиката.