пред 4 години Нов Зеланд објави неколку предлози со кои ќе забрани продажба на цигарите на помладите генерации бидејќи планира да стане земја без пушачи до 2025 година.
Планот предвидува постепено да се зголемува возрасната граница за дозволено пушење, а продажбата на цигари и производи од тутун би им се забранила на сите родени по 2004 година, со што пушењето би станало илегално за таа генерација.
„Ни треба нов пристап. Околу 4.500 Новозеланѓани умираат секоја година поради пушењето и ни треба позабрзан напредок за да ја оствариме целта до 2025 година“, изјави заменик-министерката за здравство, Ајеша Верал.
Исто така, се разгледуваат и мерки за значително намалување на дозволеното ниво на никотин во тутунските производи, утврдување на минималната цена на тутунот и ограничување на местата каде што може да се купат тутун и цигари.
Предлозите добија поддршка од голем број јавни здравствени организации.
Се смета дека пушењето е одговорно за една четвртина од смртните случаи од рак во Нов Зеланд, каде што еден милион луѓе секојдневно пушат. Ова особено е изразено меѓу домородните Маори.
Би можело да ве интересира
Домашни изведувачи ќе настапат на пречекот на Новата година во Скопје
(Видео) Никој не пцуеше повеќе од Иванишевиќ, затоа е мртов ладен на испадите на Ноле
Неколку факти за Катар: поради пијанство и покажување среден прст на полицаец може да завршите во затвор
(Видео) Фотографи од целиот свет ја снимија крвавата Месечина
Барселона му понуди доживотен договор на Меси
Јуриј Гагарин загина на 34. години, неговата смрт до ден денес остана голема мистерија
