Песната Last Christmas на Џорџ Мајкл 36 години е божикна химна

Песната Last Christmas на Џорџ Мајкл 36 години е божикна химна

пред 6 месеци

Last Christmas е песна на англиското поп-дуо „Вам“, која беше објавена во декември 1984 година под етикетата „Епик рекордс“. Поточно, беше издаден грамофонски запис со песната Everything She Wants, од чија продажба Џорџ Мајкл и Ендру Риџли ги донираа сите средства за гладните во Етиопија.

Иако денес се смета за една од најпопуларните божикни песни на сите времиња, Last Christmas не беше на врвот на топ-листите во Велика Британија кога се појави пред 36 години. Имено, истата година „Банд еид“ ја објави Do They Know is Christmas, на која ѝ припадна честа да биде на врвот.

Песната достигна број 1 во Данска и во Шведска, а беше многу популарна во Европа. Во Германија, на пример, се смета за најуспешен божикен сингл на сите времиња поминувајќи дури 137 недели на официјалната музичка топ-листа на „ГдК ентертејмент“.
Малкумина знаат дека Џорџ Мајкл не само што ги напиша и ги пееше меланхоличните текстови на Last Christmas туку и дека ги свиреше сите инструменти на песната и ги продуцира во студиото „Адвисон“ во Лондон.

Доста популарен е и видеоспотот, снимен во Швајцарија, во режија на италијанскиот режисер Џијакомо де Симоне, и видеото има околу 490 милиони прегледи на официјалниот канал на „Јутјуб“. Приказната на спотот, која следи група пријатели што одат на одмор среде зимски рај, во последните 35 години се наметна како идеално сценарио за славење на празниците.

Песната Last Christmas беше инспирација и за истоимениот божикен филм во режија на Пол Фејг, во кој главните улоги ги толкуваат Емилија Кларк и Хенри Голдинг.

Share

AnimeHeaven animeheaven bna: Wonder Egg Priority Episode 12

AniWatch watch animes: Watch Kimetsu no Yaiba: Yuukaku-hen Episode Preview

Scroll to Top