Сана Марин – финската премиерка која како нуклеарка ја дрма Европа со својот секси танц

Финската премиерка Сана Марин со изгледот и однесувањето заинтригира многумина, па дури и оние кои не се ни заинтересирани за политика. Неодамна Финска и Шведска поднесоа официјални барања за влез во НАТО-алијансата, а финската премиерка Сана Марин се смета за еден од водечките гласноговорници за членство во алијансата. Таа официјално е најмладиот премиер во Европа и е трета жена на оваа позиција во Финска.

Сана Марин е родена во 1985 година во Хелсинки, главниот град на Финска. Потекнува од сиромашно семејство со татко алкохоличар и мајка хомосексуална. Ваквиот брак завршил со развод додека Сана била уште дете.

Финските медиуми пишуваат дека ѝ било тешко што нејзината мајка почнала да живее со партнерката бидејќи во тоа време не било популарно да се биде припадник на ЛГБТ-популацијата во оваа нордиска земја.

На својот блог Марин го опиша своето детство и малтретирањето што го претрпела за време на школувањето. Таа била жртва на насилници токму поради нејзината мајка лезбијка, а нејзиното семејство го нарекувале семејство на виножито.

Исто така, таа на својот блог пишува дека нејзината приказна, како и приказните на многу Финци, е во суштина тажна.

Според нејзиниот професор, Марин била просечен студент и не се истакнувала ништо посебно. По средното училиште се запишала на студии и станала прва во семејството со завршен факултет. По основните студии магистрирала на Управување и менаџмент на јавна администрација.

Политика и политички почетоци
За политика се заинтересирала во раните дваесетти години, кога, како што вели, почнала да размислува како може да се подобрат социјалните услови во заедницата. На 20-годишна возраст таа се приклучи на Социјалдемократската партија, чиј претседател стана во 2020 година, кога имаше само 35 години.

Иако претходно работела во пекарница и како касиерка во трговски центар, на само 27 години стана претседателка на управниот одбор на Тампере, вториот по големина град во Финска, кој со поголема површина има над 300.000 жители. .

На 30 години стана пратеник во финскиот парламент, а до декември 2019 година беше министерка за транспорт и врски, по што стана премиер.

„Никогаш не размислував за мојата возраст или пол. Размислувам за причините зошто влегов во политиката и за работите поради кои ја добивме довербата на гласачкото тело“, рече таа  по изборот за премиерската функција.

Оваа триесет и шестгодишна жена во моментов ја предводи коалициската влада во која жените играат важна улога. Финската влада е составена од коалиција од пет партии на чело со жени, од кои четири од петте лидери се помлади од 35 години.

Ова наиде на одобрување на голем дел од финската јавност и во медиумите се појавија наслови во кои се повикува „да се заборават старите жени кои со години владеат со Финска“. Меѓу другите, тука се мисли на Мартија Ахтисари, Урха Кеконен и Мауна Коивиста.

Сепак, изборот на жена не им се допадна на сите во Финска. На социјалните мрежи, преземањето на власта од страна на жените беше наречено раководство на бригадата за кармини, а целата администрација предводена од Марин беше наречена „влада на хулахопки“.

Нејзината влада има 19 министерства на чело со 12 жени и седум мажи министри.

Приватен живот
Како и другите млади луѓе на нејзина возраст, така и Сана го споделува својот приватен живот со своите следбеници на социјалните мрежи. За време на бременоста редовно ги известувала фановите,  објавувала слики од одмори и свадби, па дури и слика на која ја дои својата ќерка која сега има четири години.

Таа е во брак со поранешниот професионален фудбалер Маркус Раиконен, со кого е од 16 години.

Сана лани  заврши на насловната страница на угледниот магазин „Тајм“. Беше рангирана меѓу 100-те највлијателни млади луѓе во светот.

За неа се поврзуваат неколку интересни ситуации. Имено, Марин се најде на удар на јавноста кога позираше за моден магазин.

Дел од јавноста остана вцудовидена кога позираше и се појави во блејзер со длабоко деколте и накит на голите гради.

По оваа објава се крена голема врева во финската јавност. Додека некои сметаа дека ваквото деколте и стил се провокативни, невкусни и непримерни за еден премиер, од друга страна, Марин доби огромна поддршка, најмногу од женскиот дел од јавноста.

Втората афера беше наречена „Појадок порта“. Имено, премиерката и нејзиното семејство добија појадок по повластени цени. Во Финска се оданочува субвенционираната, поевтина храна и се водеше полемика околу тоа дали Марин има право на додаток за појадок. Таа тврдеше дека тоа не го знаела и дека ќе ѝ го врати долгот на државата – околу 14.000 евра.

Премиерката на Финска успеа да ја разбранува јавноста и во декември 2019 година кога излегла во ноќен клуб, иако претходно била во контакт со министер кој бил заразен со коронавирусот.

По објавата на видеото со секси танцот таа направи тест за дрога, кој сама го плати и  кој покажа дека не зела наркотици. Призна дека пиела алкохол на забавата и дека не ѝ било убаво што видеото од приватната забава излегло во јавноста.

Ја нарекуваат најкул премиерка, а впечаток остави и нејзиниот стил на облекување и одењето на рок-концерти.

 

What a prime minister looks like when their country wins the Ice Hockey World Championship!! ????? #Leijonat pic.twitter.com/inHOB42Ces

— Very Finnish Problems (@VFinnishProbs) May 29, 2022