Светот доби нов остров: подводна вулканска ерупција создаде чудо во Јапонија

Светот доби нов остров: подводна вулканска ерупција создаде чудо во Јапонија

пред 3 месеци

Најновиот остров на светот плови од морето покрај брегот на јапонскиот остров Иво Џима во Тихиот Океан.

Јапонската метеоролошка агенција (JMA) изјави за Си-ен-ен дека неименуваниот остров е формиран од подводна вулканска ерупција, пишува N1.

Излегувањето на островот од океанот беше документирано на фотографии направени од Националните поморски одбранбени сили на 1 ноември.

Фотографиите покажуваат мала ерупција, која испраќа темен облак од пепел над малиот остров, кој сега е дел од синџирот на островите Огасавара.

JMA бележи вулканска активност во областа од минатата година, но Институтот за истражување на земјотреси на Универзитетот во Токио потврди дека ерупцијата што го формира островот се случила на 30 октомври.

Сецуја Накада, почесен професор по вулканологија на Универзитетот во Токио, оваа недела за The Japan Times изјави дека магмата била под вода некое време пред конечно да се издигне на површината.

Островот, според порталот, се наоѓа на околу 1.200 километри јужно од копното на Јапонија и на еден километар од Иво Џима, островот на кој се воделе некои од најжестоките битки во Втората светска војна на Пацификот.

Американските маринци се бореа со десетици илјади јапонски гарнизони во битка во која загинаа повеќе од 7.000 Американци и 22.000 јапонски војници.

Текстот Светот доби нов остров: подводна вулканска ерупција создаде чудо во Јапонија е превземен од МАКФАКС.

Share
Scroll to Top