„Стареењето е ужасно!“ Алка Вуица призна дека направила фејслифтинг на 65 години

Хрватската пејачка и текстописец Алка Вуица (65) повторно го привлече вниманието на јавноста, овојпат со искрена исповед за естетските интервенции и својот став кон стареењето.

Во гостување во емисијата „SHOWtime“ на Happy FM, Вуица отворено призна дека неодамна направила фејслифтинг и порача дека нема намера да ги крие зафатите кои ѝ помагаат да го задржи младешкиот изглед.

„Не сум љубител на ботоксот. Повеќе сакам лифтинг на лицето, што и самата неодамна го направив. Мислам дека тоа дава поприроден резултат. Кога ќе видам што им прават филерите на некои жени, навистина изгледаат неприродно“, изјави пејачката.

Алка смета дека нема ништо спорно во естетските корекции доколку тие се направени умерено и со вкус.

„Добро е што денес постојат можности да изгледате младо што е можно подолго. Не сум за тоа да се крие дека сте направиле некоја интервенција, но не сум ниту за целосно менување на изгледот. Голем дел е и генетика, но мора да се грижите за себе. Зошто да изгледаме постари ако не мораме?“, вели таа.

Пејачката признава дека тешко го прифаќа стареењето и дека сака што подолго да ја задржи младоста.

„Стареењето е ужасно. Не сакам да стареам. Не разбирам зошто луѓето постојано нагласуваат колку години имаат. Секако дека имам своја година на производство, но сакам да останам млада што е можно подолго“, изјави Вуица.

Освен за изгледот, Алка повторно проговори и за еден од најпознатите љубовни скандали во регионот – врската со поранешниот хрватски фудбалер , кој во тоа време бил во брак.

Таа призна дека денес гледа поинаку на тие случувања и дека жали што некои луѓе биле повредени.

„Многу ја ценам Сузана и ми е жал што беше повредена поради мене. Судбината нè спои на многу грд начин затоа што двете го сакавме истиот човек“, изјави пејачката.

Неколку години подоцна, Вуица призна дека улогата на љубовница е нешто што никому не би му го препорачала.

„За жал, бев и љубовница. Тоа е понижувачко за една жена и никому не би му препорачала таква врска. Мислите дека можете да излезете неповредени, но тоа едноставно не е можно“, рече таа.

Позната по тоа што секогаш отворено зборува за својот приватен живот, Алка Вуица уште еднаш покажа дека нема проблем да зборува за теми кои многу јавни личности ги избегнуваат.

Нејзината искреност за стареењето, естетските зафати и љубовните грешки повторно предизвика бројни реакции на социјалните мрежи, каде дел од публиката ја пофали за отвореноста, додека други сметаат дека стареењето треба да се прифати како природен дел од животот.