Тијана Дапчевиќ со емотивна честитка за роденденот на Тамара: „Лука да не те нервира“

Пејачката Тијана Дапчевиќ на исклучително емотивен и оригинален начин ѝ го честиташе роденденот на својата сестра Тамара Тодевска, која вчера го прослави својот 41-ви роденден.

Познатата музичарка уште еднаш покажа колку е силна врската меѓу двете сестри, споделувајќи фотографија од нивното детство која предизвика бројни позитивни реакции на социјалните мрежи. На фотографијата, Тијана и Тамара се прегрнати и насмеани, потсетувајќи на безгрижните денови пред да станат едни од најпознатите музички имиња на македонската сцена.

Покрај фотографијата, Тијана објави и искрена порака исполнета со љубов, хумор и сестринска грижа.

„Љубавкици моја, да скокаш од среќа и пукаш од здравје, да се смееш, да сјаеш, Лука да не те нервира, брчки да не се направиш. Те сакам до крајот на светот. Среќен роденден“, напиша Тијана во својата Инстаграм-приказна.

Во пораката таа го спомена и Лука, долгогодишниот партнер на Тамара Тодевска, со кого пејачката е во стабилна врска веќе неколку години.

Објавата брзо привлече внимание кај следбениците, кои ја поздравија искреноста и топлината на честитката, истакнувајќи дека ваквите моменти ја покажуваат вистинската блискост меѓу сестрите.

За разлика од Тијана, Тамара Тодевска не сподели роденденски објави на својот Инстаграм-профил. Нејзините активности на социјалните мрежи во последниот период се насочени главно кон промоцијата на песните од нејзиниот актуелен албум „Кукла жива“.

Сепак, емотивната порака на Тијана беше доволна за да го одбележи роденденот на Тамара и уште еднаш да ја покаже силната семејна поврзаност која со години ги обединува двете сестри.