„Хладно пиво“ со концерт во Скопје го слави 35. роденден

Панк рок бендот од Хрватската „Хладно пиво“ ќе одржат концерт во Скопје  на 9 -ти октомври во рамките на урнејата со која одбележуваат 35 години постоење.

Тие ќе одржат концерт во Младинскиот културен центар, а концертот е во организација на Пасворд продукција.

„Последна тура“ е насловена јубилејната турнеја на „Хладно пиво“, кои најавија дека потоа следува подолга концертна пауза.

Предводен од пејачот Миле Кекин, „Хладно пиво“ има објавено осум студиски албуми и е еден од најнаградуваните хрватски бендови. Последниот настап во Македонија го имаше лани на Таксират.