Чизкејк со смокви – Reporter.mk

Состојки:

За подлога:

• 175 гр интегрален бисквит
• 90 гр путер

За Пире од смокви:

• 250 гр свежи смокви
• 50 гр шеќер
• 50 мл вода
• 1 ванилин шеќер 
• 1 кесичка желатин

За крем од сирење: 

• 400 гр крем сирење
• 300 гр слатка павлака
• ванилин шеќер

За Декорација:

• смокви и еден бисквит

Подготовка: Сомелете ги бисквитите и измешајте ги со омекнатиот путер. Смесата распоредете ја рамномерно врз дното од калапот за торта. Оставете ја да се излади во фрижидер. Потоа измијте ги смоквите, исечете ги на парчиња и измешајте ги со шеќер, ванилин шеќер и вода. Варете ги околу 10 минути, додека нè омекнат, а потоа изгмечете ги низ сито за да извлечете што е можно повеќе сок и да се ослободете од поголемите делови.

Подгответе го желатинот според упатствата од кесата. Кога ќе се раствори, измешајте го со пирете од смокви. Потоа измешајте го крем сирењето со ванилин шеќер и слатка павлака за да добиете густ и едноличен крем. Истурете го пирето и продолжете со мешање. Истурете го кремот врз основата со бисквити и оставете го во фрижидер да отстои најмалку шест часа. Користете тенок нож за да ја одделите тортата од обрачот. Извадете го обрачот и украсете ја тортата со свежи смокви и сецкани бисквити. Послужете ја ладна.

Оваа торта можете да ја чувате во фрижидер до три дена