Ќерката на Џенифер Лопез со нов идентитет: Ема Муниз се претставува како Оскар

Ќерката на Џенифер Лопез и Марк Ентони, Ема Марибел Муниз, предизвика големо внимание во јавноста откако на социјалните мрежи се појавија информации дека го користи името Оскар Муниз и се идентификува во машки род.

Според објавите на Инстаграм профилот на училиштето „Виндвард“, каде што беа претставени матурантите и нивните идни академски планови, 18-годишната Ема е потпишана како Оскар Муниз. Во објавата е наведено дека наесен ќе ги продолжи студиите на колеџот „Сара Лоренс“, каде што ќе студира театарска уметност.

Дополнително внимание привлече и нејзиниот личен Инстаграм профил, каде во описот се наоѓаат симболи кои често се поврзуваат со ЛГБТК+ заедницата и трансродовите лица. На профилот е наведено и дека претпочита да ѝ се обраќаат со машки заменки.

Досега, ниту Џенифер Лопез ниту Марк Ентони јавно не ги коментираа шпекулациите поврзани со родовиот идентитет на нивното дете. Во медиумите се појавија различни толкувања, но официјална изјава од семејството сè уште нема.

Ема и нејзиниот брат близнак Макс се родени во 2008 година за време на бракот на Џенифер Лопез и Марк Ентони. И покрај разводот, двајцата родители останаа блиски во воспитувањето на децата и често истакнуваат дека нивната среќа и благосостојба им се најважни.

Неодамна, во гостување во емисијата „Jimmy Kimmel Live!“, Џенифер Лопез емотивно зборуваше за матурирањето на своите деца и призна дека тешко се помирува со фактот што наскоро ќе го напуштат семејниот дом. Пејачката откри дека Ема и Макс избрале различни колеџи и дека веќе неколку месеци е преплавена со емоции поради нивното заминување.

„Најважно ми е да бидат среќни и да го прават она што навистина го сакаат“, изјави тогаш Лопез, нагласувајќи дека целосно ги поддржува нивните животни избори.

Иако јавноста продолжува да шпекулира за промените во животот на Ема, засега единствено потврдено е дека таа на социјалните мрежи го користи името Оскар Муниз и наскоро започнува ново поглавје како студент на театарска уметност.