Џеј Ло со коктел, Хајди Клум во базен, Бекамови со децата: Како познатите ја прославија Новата година

Семејни собиранки, танцување на отворено, но и приватни забави, се ова беа опциите на познатите пејачи, актери, од кои многумина ги споделија своите интимни моменти со своите следбеници на социјалните мрежи.

„Среќна Нова Година“, напиша 53-годишната Џенифер Лопез во описот на видеото што го објави на Инстаграм на новогодишната ноќ. Таа се снимаше како пие коктел со славенички чаши на кои пишува 2023. За дочекот носеше црвен фустан со длабоко деколте.

Поранешната манекенка Хајди Клум и нејзиниот сопруг Том Каулиц одлучија да ја поминат новогодишната ноќ во поинтимен амбиент во Аспен. Во саботата, Клум објави фотографија на својот Инстаграм профил на која се гледа како се бакнуваат додека уживаат во надворешен базен.

Џенифер Анистон сподели видео со своите следбеници во кое се прикажани некои од моментите со пријателите и домашните миленици во изминатата година. Во описот на објавата напиша дека е благодарна и подготвена за 2023 година и на сите им ја честита новата година.

Рајан Рејнолдс позираше во сив костум пред новогодишна елка, а The Rock одлучи да има сосема поинаква новогодишна ноќ од повеќето на Инстаграм, објави фотка како вежба во теретана.

Ѕвездата на Бриџертон, Џонатан Бејли, покажа колку ужива во прославувањето на новогодишната ноќ на Малдиви.

И Криси Тајген и Џон Леџенд решија да ја дочекаат Новата година во тропска атмосфера. Тие покажаа како уживаат на неименувана плажа со нивните деца: шестгодишната ќерка Луна Симон и четиригодишниот син Мајлс Теодор.

Дуа Липа објави серија фотографии и видеа на кои може да се види како позира во светкав фустан и розови чизми. Селена Гомез сподели моменти со пријателите, танцувајќи на плажа и гледајќи огномет.

Викторија и Дејвид Бекам ја дочекаа новата година со своите деца Ромео (19), Круз (17) и Харпер (10).

Кендал и Кајли Џенер влегоа во новата година со зимски одмор во Аспен, каде им се придружија Џастин и Хејли Бибер. Кајли сподели фотографии во свечен црн комбинезон, додека Кендал позира на снег.