Алиоски од Европско на гости во селото Црнилиште: Фудбалерот се дружеше со децата од родниот крај

Македонскиот репрезентативец Џани Алиоски, откако дојде во Македонија по Европското првенство, го посети и родното село Црнилиште, близу Прилеп.

Популарниот фудбалер, кој со години настапува во англиската Премиер лига, гледаше натпревар од турнирот што беше организиран за најмладите фудбалери. Потоа се сликаше со децата од подмладокот на локалниот клуб „Црнилиште“ и им кажа да тренираат многу и да работат напорно за да ги остварат своите фудбалски соништа.