Ана де Армас се всели кај Бен Афлек по осум месеци врска

Глумицата Ана де Армас, се всели во куќата на Бен Афлек (48) на Беверли Хилс, по осум месеци врска, пишува магазинот „Пипл“. 32-годишната актерка, неодамна го ставила на продажба нејзиниот дом во Венис, Калифорнија, за да почне да живее со Афлек, рекол извор близок до двојката за „Пипл“. Тој додал дека и покрај пишувањата на некои медиуми дека врската им е во криза, тие се сепак среќни и заљубени.

Бен и Ана на крајот на ноември беа во Њу Орлеанс, каде што ги снимаа нивниот заеднички филм „Длабока вода“. Потоа се вратија во Лос Анџелес за Денот на Благодарноста, а празникот го поминаа со трите деца на Бен, кои ги има од бракот со актерката Џенифер Гарнер.