Брендан Фрејзер се расплака на шестминутниот аплауз по премиерата на новиот филм во Венеција

Актерот Брендан Фрејзер беше во центарот на вниманието на Филмскиот фестивал во Венеција и добил пофалби за својата улога во новиот филм на Дарен Аронофски, „The Whale“. Фрејзер ја задржал присебноста додека одел на црвениот тепих на фестивалот, но по премиерата се расплакал откако гледачите го наградиле со шестминутен аплауз за неговата изведба, наведува „Variety“.

Актерот повторно се врати на големиот екран поради улогата за која многумина веруваат дека би можела да биде кандидат за Оскар. Фрејзер ја толкува улогата на Чарли, речиси 300 килограми тежок маж кој се чувствува како да му се ближи крајот на животот.

Brendan Fraser is back — and he sobbed during the #Venezia79 six-minute standing ovation for #TheWhale. pic.twitter.com/y4l10ZFWQa

— Ramin Setoodeh (@RaminSetoodeh) September 4, 2022

Брендан бил толку трогнат од реакцијата на филмот што едвај станал додека публиката аплаудирала по одјавната шпица. Во текот на интервјуата со новинарите пред прикажувањето, актерот изразил благодарност .

„Со нетрпение очекувам овој филм да остави длабок впечаток на сите како што остави на мене“, изјавил тој, пишува „The New York Times“.

Фрејзер за потребите на филмот морал да носи протетика која понекогаш била тешка и до 150 килограми.

The standing ovation for #TheWhale was so enthusiastic, Brendan Fraser tried to leave the theater but the crowd’s applause made him stay. #Venezia79 pic.twitter.com/ZZ0vbFX7Rl

— Ramin Setoodeh (@RaminSetoodeh) September 4, 2022

„Морав да научам да се движам на нов начин. Развив мускули за кои не ни знаев дека ги имам. Дури чувствував вртоглавица на крајот од денот кога ми ја отстрануваа протетиката, токму како што би се чувствувале кога би се симнале од брод на пристаниште тука во Венеција“, изјавил Брендан.

Одењето во чевлите на Чарли му помогнало на познатиот актер да ги цени оние чии тела се слични бидејќи научил дека „мора да бидете неверојатно силна личност, физички и ментално, за да опстанете во тоа физичко битие“.

Premiering at the 79th Venice Film Festival ??
• Darren Aronofsky’s THE WHALE starring Brendan Fraser and Sadie Sink
• Joanna Hogg’s THE ETERNAL DAUGHTER starring Tilda Swinton
• Ti West’s PEARL starring Mia Goth pic.twitter.com/AxlAbhWDRo

— A24 (@A24) July 26, 2022