(Видео) Во Швајцарија одобрена првата капсула за евтаназија

Швајцарија ја одобри првата капсула за евтаназија. Таа веќе беше позната земја во која може да се изврши таканареченото потпомогнато самоубиство, но, сега се отиде и чекор понапред со производство на 3D капсула наменета исклучиво за оваа намена.

Машината за самоубиство, наречена „Сарко“, го помина сите потребни законски проверки во Швајцарија и треба следната година да влезе во употреба, соопштија нејзините творци.

Во Швајцарија еутаназијата е легална, а минатата година 1300 луѓе се одлучиле на таков чекор. На овие пациенти им се вбризгува натриум пентобарбитал, по што тие влегуваат во длабока кома и потоа умираат.

Доктор Филип Ничке, автор на капсулата „Сарко“, сега вели дека има и друг пристап како на клиентите да им обебеди лесна смрт, без никакви наркотици. Машината може да се управува од внатре, дури и само со трепкање. Работи на начин на кој што се намалува нивото на кислород.

Процесот трае помалку од 1 минута, а смртта се јавува низ хипоксија и хипокапнија, која има за цел да овозможи лицето да умре релативно мирно и безболно. Машината за самоубиство е креација на доктор Филип Ничке, наречен „Доктор Смрт“, кој е директор на непрофитна организација Exit International, која се залага за легализација на доброволна еутаназија и потпомогнато самоубиство.

Sarko, e кратенка за саркофаг, дизајниран да може да с епостави на било која локација по желба на корисникот, а потоа биоразградивата капсула може да се одвои од базата и да послужи како ковчег. Машината е критикувана поради нејзиниот футуристички дизајн, за кој некои велат дека го гламуризира самоубиството, но и дека поради пратечките апликации на виртуална реалност, им овозможува на луѓето да ја искусат сопствената виртуелна смрт.

Во моментов постојат само 2 прототипа, но, се работи и на 3 машина која ќе биде подготвена за употреба следната година. Ничке рече дека планира да ја направи оваа технологија бесплатна.