ВИДЕО – Гвинет Палтроу дебитираше на TikTok: Видеото привлече огромно внимание поради провокативна сцена

Оскаровката Гвинет Палтроу официјално се приклучи на TikTok, а нејзиното прво видео за кратко време привлече огромно внимание на социјалните мрежи. Актерката се претстави со динамична видео-монтажа снимена на повеќе локации низ Европа, но најмногу реакции предизвика сцена во која позира во кревет покриена само со бела постелнина.

Во видеото, 53-годишната актерка на различни јазици ја повторува реченицата: „Само момент, снимам TikTok“. Кратките кадри се снимени во градина, во хеликоптер, приватен авион, на јахта и за време на прошетка низ Париз, покажувајќи дел од нејзините патувања.

Најголемо внимание, сепак, привлече сцената во која Палтроу лежи во кревет покриена со луксузна бела постелнина, додека носи само очила со златна рамка и соодветни обетки. Во друг кадар таа се релаксира во када со подигната руса коса и црни пилот-очила.

ВИДЕОТО ПОГЛЕДНЕТЕ ГО ТУКА

Своето приклучување на новата платформа актерката го најави и преку Instagram, каде кратко напиша: „Очигледно сега сум и на TikTok.“

По неколку години во кои најголем дел од своето време го посвети на својот wellness и lifestyle бренд Goop, Палтроу минатата година повторно се врати пред филмските камери.

Таа игра во филмот „Marty Supreme“ на режисерот Џош Сафди, каде главната улога ја има Тимоти Шаламе. Фотографиите од снимањето, особено сцените во кои двајцата се бакнуваат, предизвикаа голем интерес кај јавноста.

Подоцна актерката низ смеа откри дека тие фотографии биле главна тема во разговорите со нејзините пријателки.

„Требаше да ги видите разговорите во нашите групи кога се појавија папарацо-фотографиите од бакнежот во паркот. Сите беа прилично возбудени“, изјави Палтроу.

Нејзиниот TikTok-деби доаѓа кратко време откако се најде во центарот на јавните реакции поради учеството во промотивна кампања за луксузниот станбен проект „51 Park“ во израелскиот град Херцлија. Соработката со компанијата Aviv Melisron предизвика поделени мислења на социјалните мрежи.

Гвинет Палтроу од бракот со музичарот Крис Мартин има две деца – 22-годишната ќерка Епл и 20-годишниот син Мозес. Од 2018 година е во брак со телевизискиот продуцент Бред Фалчак.