пред 11 часа Со засилено темпо продолжуваат градежните активности на железничката делница од Бељаковце до Крива Паланка, која е дел од пругата кон Бугарија.
Делницата е долга 34 километри, а во моментов интензивно се работи на изградбата на мостот број 7. Со должина од 194 метри, тој е најдолгиот мост на трасата и е еден од трите што сè уште не се изградени од вкупно предвидените 29 мостови.
Паралелно со работите на терен се произведуваат и бетонските елементи потребни за санација на 26-те полуизградени мостови од 1990-тите години.
За нивната санација треба да бидат произведени вкупно 352 бетонски елементи. Досега се изработени 71, а производството се одвива со динамика од околу 10 елементи неделно.
Вкупната реализација на проектот во моментов изнесува околу 40 проценти. Според проекциите, до крајот на годинава се очекува да бидат завршени 50 проценти од предвидените активности.
Изградбата ќе продолжи со засилено темпо до целосна реализација на овој капитален инфраструктурен проект, кој треба да го унапреди железничкото поврзување на Македонија со Бугарија.
Би можело да ве интересира
Ана Ивановиќ номинирана е за тениската Куќа на славните
По 13 години, првпат за Божиќ ќе бидам со семејството: искрено со Филип Миркуловски
Тапанарот на „Фу фајтерс“ пронајден мртов во хотелска соба
Ѓоковиќ призна дека бил заразен додека доделувал пехари и давал интервју за „Лекип“
Фиат 500 е кабриолет на годината
Анџелина Џоли во врска со Мики Рурк
