(Видео) Кевин Костнер не можеше да ги запре солзите на фестивалот во Кан: Му аплаудираа седум минути за филмот на кој вложи хипотека

Синоќа на 77. Кански филмски фестивал пред публиката беше прикажан новиот филм на познатиот актер и режисер Кевин Костнер, „Хоризонт: Американска сага“. Проекцијата на овој вестерн публиката ја поздрави со овации кои траеја седум минути. Костнер во тие моменти не можеше да ги запре солзите, на кое се гледа емотивно видео објавено на профилот на познатото списание Variety на мрежата X.

Синоќа на Канскиот фестивал 2024, публиката извикуваше: „Кевин! Кевин! Кевин!“.

Kevin Costner gets teary-eyed during the standing ovation for his film “Horizon: An American Saga” at Cannes. pic.twitter.com/ddOxeGUprm

— Variety (@Variety) May 19, 2024

„Жал ми е што моравте толку долго да аплаудират за да разберам дека треба да зборувам“, рече со насмевка и додаде: „Толку добри луѓе. Толку добар момент, не само за мене, туку и за актерите кои дојдоа со мене, за луѓето кои веруваа во мене, кои продолжија да работат. Тоа е забавна работа и многу ми е мило што ја најдов. Ниту едно место не е вакво. Никогаш нема да го заборавам – ниту моите деца“.

Кевин Костнер присуствуваше на премиерата на филмот во Кан со своите пет деца.

Филмот е дводелен поглед на експанзијата на американскиот запад, раскажан од перспектива на сточарите, земјоделците и војниците кои градат иднина за себе во регионот, како и од перспективата на домородците кои први живееле таму. Тоа е длабоко личен проект за Костнер, кој вложи голем дел од своето богатство во снимањето на филмот вреден повеќе од 100 милиони долари, вклучително и хипотека на неговиот ранч. Костнер го продуцираше филмот и беше ко-сценарист на истиот.

Приказната за новиот филм беше проследена и со контроверзи поради серијата „Yellowstone“, хит-серијата во која глумеше и која ненадејно ја напушти и покрај високата гледаност. Продуцентите на серијата тврдеа дека Костнер бил помалку достапен кога комплицираното производство на новиот филм му го одземало целото време, пишува Variety.

Првиот дел од филмот беше прикажан во Кан, американската премиера е закажана за 28 јуни. Вториот дел ќе биде претставен на 16 август.

Во филмот играат Сијена Милер, која беше на вечерашната премиера во Кан, Сем Вортингтон, Аби Ли, Лук Вилсон и многу други.