(Видео) Новиот бетмобил е различен од претходните, Мет Ривс ќе вози комбинација на Шевролет и Форд Мустанг

Новиот бетмобил кој ќе го вози Мет Ривс во улогата на Бетмен е сосема различен од неговите претходници. Единственото заедничко нешто им е системот на млазен погон кој исфрла пламен, како оној кој го возеше Мајкл Китон во филмот на Тим Бартон од 1989 година.

Предниот дел е превземен од Chevrolet Camarom од 60 години од минатиот век, додека останатите елементи се инспирирани од Ford Mustanga и Dodge Chargera.

Фановите имаа можност да го видат во неколкуте сцени од новиот трејлер за Бетмен кој беше објавен изминатиот период. Главната улога ја има Мет Ривс, кој ќе го толкува ликот на Брус Вејн кој во младоста го брка серискиот убиец познат под прекарот „Прашалникот“.

Повеќе личи на класична американска лимуѕина со мали модификации и е подготвен за борба против криминалот, коментираат филмските експерти. Покрај трејлерот, фановите имаа можност да го видат новото возило и пред „Ворнер Брус“ хотелот во Абу Даби.

Социјалните мрежи се преплавени со фотографии од него од повеќе агли. Забележителни се широките браници и хауба под која се наоѓаат црвени светла. За жал, нема фотографии од задниот дел, па претпоставката дека моторот се наоѓа таму, засега не е потврдена.

За потсетување, премиерата на филмот е закажана за март 2021 година.