(Видео) Нови жртви на Бермудскиот триаголник? – на почетокот на јануари исчезнал глисер со 20 патници

Глисер долг девет метри со 20 патници во него, исчезнал на подрачјето на Бермудскиот триаголник, на почетокот на јануари. Многумина теоретичари на заговор, се убедени дека нивното исчезнување е поврзано со местото кое се наоѓа меѓу Мајами, Порторико и Бермудите.

Бермудскиот триаголник е познат по големиот број на поморски и воздушни несреќи. Бродот по кој досега безуспешно се трага, имал два вонбродски мотори од 250 коњски сили. Тој испловил на почетокот на јануари од Биминија, (50 милји од Флорида), и требало да стигне до езерото Ворт.

Но, никогаш не се појавил и не бил виден повторно, пренесува „Асошиетед Прес“. Американската крајбрежна стража, покренала опсежна потрага, во која биле вклучени голем број на авиони и бродови. Но, досега ваквата потрага не дала резултати.

За 84 часа било пребарано подрачје од 17.000 квадратни километри, по што Крајбрежната стража и официјално соопштила дека се откажуваат од потрагата, затоа што не се најден ниту еден патник, ниту остаток од бродот. Поради големиот број на патници, надлежните се сомневаат дека овој случај е поврзан со трговија со луѓе.