(Видео) Полицијата принудена да ги чува луѓето кои ги бројат гласовите во САД

Вооружени полицајци со пушки морале да интервенираат во центарот за броење на гласови во округот Марикоп, во сојузната држава Аризона, со цел да ги чуваат луѓето кои работеле таму.

Луѓето кои што ги броеле гласовите биле пред дилема дали привремено да прекинат со работата, поради гласните демонстрантите на републиканците, кои се собрале пред центарот и вршеле притисок.

На социјалните мрежи меѓу избирачите на Трамп се прошириле тврдењата дека гласовите на актуелниот американски претседател, нема да бидат бројани и сведени во вкупниот број на гласови. Некои од демонстрантите дури и влегле во центарот, по што биле испратени надвор.

This @mcsoaz team just arrived in full tactical gear, got a look at the crowd. Could be planning to make a move on demonstrators outside. pic.twitter.com/TCbKcXRNju

— Nicole Valdes (@NicoleValdesTV) November 5, 2020

Официјалните лица во еден момент биле присилени да побараат помош од полицијата, но од центарот за броење со гласови, во ниту еден момент не прекинале со работата. Снимката од полицијата со целосна тактичка опрема, на „Твитер“ ја објавила новинарката на ABC News, Никол Валдес.

AP и голем број други медиуми официјално предвиделе дека во Аризона победил демократскиот кандидат Џозеф Бајден, но дека сите гласови и понатаму не се пребројани. Утрото во 7 часот во округот Марикоп, пребројани се 82 процнти од гласовите.

Таму води Бајден, но официјалните лица велат дека треба да се пребројат уште 400.000 гласови.