(Видео) Поранешната детска ѕвезда се пофали дека е 13 килограми полесна: „Сè уште не сум слаба“

Поранешната детска ѕвезда, актерката Аманда Бајнс, чиј физички изглед долго време привлекуваше внимание поради големата промена на нејзиното тело поради употребата на лекови за слабеење, објави нови фотографии на кои изгледа уште послаба.

Самата актерка призна дека ги користи лековите за слабеење, а сега се пофали со својот нов резултат и откри колку килограми ослабела.

Таа ослабела речиси 13 килограми откако го користи Оземпик, а коментираше и на својата папарацо фотографија.

„Нормално не ми се допаѓаат папарацо фотографиите, бидејќи тогаш имав околу 82 килограми, но сега со Оземпик ослабев речиси 13 килограми. Сега имам 69 килограми. Знам дека сè уште не сум слаба, но оваа фотографија е вистинска инспирација за мене“, рече Аманда Бајнс.

Таа ја покажа промената во видео на Инстаграм во кое позира во краток топ и бели шорцеви со чизми до колена. Сакаше да го истакне и покаже својот рамен стомак, а доби поддршка да продолжи да ослабува преку коментари кои вклучуваа многу комплименти, што ѝ даде дополнителна мотивација.