(Видео) По 55 часа докторите успеаја да не ми ја ампутираат ногата: Ешли Џад за несреќата во Конго

(Видео) По 55 часа докторите успеаја да не ми ја ампутираат ногата: Ешли Џад за несреќата во Конго

пред 3 години

Американската актерка, Ешли Џад раскажа сѐ за несреќата која што ја доживеа во текот на престојот во Конго, и дека ќе го изгубела животот и ќе останела без нозе, доколку не и помогнеле локалните жители.

52-годишната актерка сподели  фотографии и откри како дошло до несреќата. Во текот на излетот ѝ се расипала светилката, па не го видела стеблото кое што се нашло на патот, паднала и ја скршила ногата.

„Почувствував и знаев дека ногата ми се крши. Она што следуваше беа неверојатно вознемирувачки 55 часа. Паднав од дрво и лежев во дождовната шума во Афика, со лошо повредена нога, пет часа во агонија од болката. Откако една колешка, од кампот, пристигна да ми ги поднамести коските, моите ‘браќа од Конго’ ме однесоа од дождовната шума во импровизирана лежалка и тоа траеше час и половина“, изјави таа за „Њујорк тајмс“.

 

Утредента ја префрлиле во Јужна Африка заради натамошна лекарска помош. Ешли била на интензивна нега таму и сѐ уште заздравува од повредата. Актерката изразува особена благодарност до нејзините конгоански пријатели.

„За жал, во Конго нема прифатлива опрема во болниците за повреди како моите, па мораа да ме преместат во ЈАР. Поради безбедност бев на операција која што траеше речиси 55 часа откако се случи несреќата“, раскажа Џад, па зборуваше и за состојбата во која што се наоѓаат жителите на Конго.

Таа истакна дека тамошните жители немаат ниту таблети за ублажување на болките.

„Без своите браќа и сестри од Конго, веројатно внатрешното крварење би ме убило и би ја изгубила ногата. Се разбудив плачејќи, благодарна и длабоко допрена со се што направија во текот на 55-часовниот исцрпувачки процес, што ми го дадоа животот и ми го спасија духот“, раскажа актерката.

Инаку, Ешли веќе неколку години по ред оди во Африка за да ја зголеми свесноста за сиромаштијата и гладот на овој континент, а се залага и за правата на животните, особено на загрозените видови.

Share
Scroll to Top