пред 3 години Принцезата Латифа, ќерка на шеикот Мохамед бин Рашид ал Мактум, објави нова снимка во која вели дека нејзиното семејство ја држи како заложник во семејната вила.
Латифи и стана позната на јавноста, откако во 2018 година се обиде да побегне од земјата. Во снимката, која наводно ја направила скришум во едно од купатилата во вилата, открива за бегството кое го планирала уште пред три години и како целиот тој план и пропаднал.
Таа се обидела да побегне од своето семејство уште во 2018 година со брод, преку Индискиот океан, но присилно била вратена во Дубаи. Нејзиното семејство изјавило дека станувало збор за спасувачка мисија и дека криминалци ја киднапирале Латифа на бродот и барале пари за неа.
„На бродот на кој се наоѓав, со мојата пријателка слушнавме звуци на чекори од луѓе кои носеа чизми. Никој од екипажот не носеше чизми и така знаевме дека некој се има качено на бродот. Потоа следеше пукање, а на крајот слушнавме викотници“, објаснува принцезата.
Латифа изјавила дека таа кобна ноќ, на 4. март 2018 година, кога се случило киднапирањето, со нејзината најдобра пријателка Тина Јаухиаинен, заминале под палубата.
„Ја затворивме вратата, ги угаснавме светлата. Потоа се сокривме во купатилото. Знаевме дека опасноста доаѓа“, изјавила таа на снимката.
Собата во која се криеле, брзо се исполнила со дим. Биле приморани да излезат на палубата, каде се соочиле со вооружените киднапери.
„Го вперија оружјето во нас. Упорно говорев дека не можат да ме вратат, дека сакам азил и дека се наоѓаме во меѓународни води. Им велев дека не можат да ме киднапираат, но никој не се грижеше за тоа“, додала принцезата.
Таа изјавила дека три пати и бил ставен седатив, но, продолжила да се бори со сите сили.
„Се борев до последен момент. Ме ставија на носила и ми ги врзаа нозете. Додека ме носеа во авион, се онесвестив“, се присетува таа.
Откако ја вратиле во Дубаи, принецзата ја ставиле во затвор. Латифа ги опишала и како изгледал затворот. Изјавила дека ја натерале да се истушира затоа што облеката и била крвава. На снимката говори таа била претепана, дрогирана и затворена.
Од Обединетите нации соопштиле дека од властите на Обединетите Арапски Емирати го покренале прашањето за апсење на принцезата Латифа.
Познат шеик, кој бил моќен и влијателен човек и кој често можел да се види во друштво на некои шефови на некои моќни држави, меѓу кои и британската кралица Елизабета II, изјавил претходно дека принцезата Латифа е безбедна и дека таа се чувствува добро.
Нејзиното семејство изјавило дека сакаат да ја зачуваат нејзината приватност. Откако била вратена во Дубаи, Латифа наводно била држава во затворска ќелија, а потоа и во кралската вила, со решетки на прозорите и чувари.
Како што изјавила на снимката, таа била држена како заложник во вилата, за која „Скај њуз“, објави дека се наоѓа во близина на популарното туристичко место Џумерај бич. Пријателите успеале, скришно да и донесат телефон, со кој таа ја направила најновата снимка.
Би можело да ве интересира
Нина Бадриќ со емотивна објава за нејзиниот покоен татко: ми недостасуваш во се
Тијана Дапчевиќ не влезе во финалето на Беовизија: немаме сите ист слух за музика
Aмериканскиот пливач Kејлеб Дресел е најзгоден спортист на Олимпијадата
Шпанско училиште ги префрли училниците на плажа
(Фото) Путин го извлече заглавениот брод во Суецкиот канал
Домашни крем банани – Reporter.mk
