(Видео) Роверот на НАСА со историска звучна снимка: Ветерот на Марс сега може да се слушне и на Земјата

Роверот „Истрајност“, кој пристигна на површината на Марс на 18 февруари, по првото тест возење, ги испрати првите звуци што ги сними на оваа планета.

Уредот SuperCam монтиран на самиот врв на роверот може да ја анализира геолошката структура на Марс на пет различни начини, што ќе им помогне на научниците да изберат карпи од кои подоцна ќе земат примероци, кои ќе се користат за микробиолошки истражувања кои треба да одговорат на прашањето дали на Црвената Планета некогаш имало живот, објави НАСА.

Меѓу првите податоци има звуци од површината на Марс, па сега е можно да се слушне како звучи ветерот на оваа планета.

„Неверојатно е колку добро работи SuperCam на Марс“, рече планетарниот научник Роџер Винс, менаџер на проектот SuperCam.

„Кога почнавме да го дизајнираме тој инструмент пред осум години, бевме загрижени дека сме премногу амбициозни. Сега е горе и работи совршено”, додаде тој.

На 9 март НАСА објави три аудио-датотеки од SuperCam кои биле снимени само 18 часа по слетувањето. Звукот на ветрот на Марс се слуша во првата снимка.

„Звуците се со извонреден квалитет. Тешко е да се поверува дека научно ќе ги анализираме првите звуци некогаш снимени на површината на Марс!” рече планетарната научничка Наоми Мардок.

Во третата аудиоснимка се слушаат звуците на ласерот насочен кон карпа оддалечена околу три метри. Некои ласерски звуци се погласни од другите, што им дава на научниците некои информации за физичката структура на карпестите делови, како што е нивната релативна цврстина.

Things are sounding really good here. Listen to the first sounds of wind captured by my SuperCam microphone. This mic is located at the top of my mast. For this recording, my mast was still down so the sound is a bit muffled. https://t.co/0KpN30oIro

— NASA’s Perseverance Mars Rover (@NASAPersevere) March 10, 2021