Вонземјаните не сакаат да не посетат затоа што не сме им интересни и премногу се интелегентни да губат време со нас, вели астронаут на НАСА

Астронаутот на НАСА, Стен Лав, објасни зошто вонземјаните не сакаат да не посетат. Вели дека не сме им биле доволно интересни и дека не сакале да го губат времето со нас.

Во тимот на НАСА се приклучи во 1998 година, а првата мисија ја имал 10 години подоцна, во 2008 година. Во вселената поминал 300 часа, но како што вели досега нема докази и немал можност да се сретне со некои жители од космосот. За светските медиуми рече дека има три причини зошто не сакаат да не посетат.

И покрај тоа што НАСА во моментов и официјално ги истражува необјаснивите појави НЛО, Стен не верува дека вонземјаните се наоѓаат во близина на нашата планета Земја. Неговата прва терија е дека во вселената може да постојат интелегентни вонземјани кои едноставно не сакаат да не посетат.

Неговата прва теорија е дека во вселената можат да постојат интелегентни вонземјани кои едноставно не сакаат да не посетат.

„Можете ли да замислите интелегентен живот кој едноставено не се грижи за технологијата и кој совршено е среќен што може да остане дома и не се чувствува како да треба да гради вселенски бродови“, рече Стен.

Тој верува дека постојат вонземјани, а како објаснување за причината зошто не сакаат или не можат да не посетат ги спомна делфините.

„Делфините се прилично паметни, не можеме да комуницираме со нив, ниту да ги разбереме и некако во целост да се поврземе со нив. Така е и со сигналите кои ги испраќаат вонземјаните, кои можеби се многу почести отколку што мислиме, но едноставно не можеме да ги препознаеме затоа што ни се страни и се различни од нашите“, објасни Стен.

Неговата втора теорија е дека постои можност вселената да ги истребила пред да успеат да дојдат до нас. Третата теорија е дека постојат вонземјани далеку поинтелегентни од нас и дека не сакаат да губат време да не посетат и да не запознаат.

„Цивилизацијата која може совлада таква енергија веројатно нема никаква врска со нас. Претпоставувам дека би биле интересни само од научна гледна точка. Тоа е предмет на многу дебати“, рече Стен.

НАСА и вселенските агенции ширум светот ќе продолжат да бараат знаци на вонземјански живот, дури и докази за нивно постоење, а астронаутот Стен верува дека допрва ќе најдеме вонземјани ако испратат радио сигнали кои ќе можеме да ги откриеме.