пред 3 години По три години правна постапка, хомосексуална двојка успеа да стане згрижувачко семејство на две деца и со тоа првата истополова згрижувачка двојка во Хрватска, беше објавено денеска во Загреб.
„Сакаме официјално да потврдиме дека Младен Кожиќ и Иво Шегота станаа првиот геј пар во Хрватска што вдоми две деца и планира да вдоми повеќе“, рече претседателот на Здружението на виножитото семејство, Даниел Мартиновиќ, на прес-конференција на плоштадот Свети Марко во Загреб.
Тој нагласи дека со ова заврши тригодишното патешествие, што беше потребно за целата правна постапка, за да докажат дека животните партнери во Хрватска треба да ги имаат истите права како и брачните другари.
Мартиновиќ рече дека Кожиќ и Шегота повеќе нема да даваат изјави за новинарите, бидејќи, според упатствата на Центарот за социјална работа, не може да се споделуваат информации за децата, но додаде дека тие се многу среќни и минуваат низ сè што минуваат и останатите семејства.
Тој изјави дека друга хомосексуална двојка аплицирала за згрижување и дека уште неколкумина размислуваат за тоа.
Би можело да ве интересира
(Видео) Бритни во боди полуде на песна од Бијонсе
Археолози во Египет открија насмеана сфинга од познат римски цар
Рецепт за брзи тестенини со тиквички
(Видео) Маж направил куќа во пештера стара 700 години
Најстуденото место во светот стана потопло за 38 степени, научниците измерија рекордни повисоки температури на Антарктикот
„Имам нова љубов и среќен сум“ – искрено со Перо Антиќ
