Дијана Стојковска меѓу најуспешните бизнис лидери на возраст под 40 во Југоисточна Европа

Бизнисменката Дијана Стојковска е избрана во престижната програма „40 Under 40“ на „Business Elite Awards“ и со тоа стана дел од најуспешните и амбициозни бизнис лидери на возраст под 40 во Југоисточна Европа за 2023 година.

„’Business Elite Awards’ со нетрпение очекува да ја промовира Дијана Стојковска како една од 40-те најуспешни и амбициозни млади бизнис лидери во Југоисточна Европа за 2023 година“, велат организаторите.

Дијана Стојковска, сопственик и главен менаџер на „My Dealer“ – компанија која е лидер на пазарот во продажба на специјални возила, како дел од овогодишната престижна програма „40 Под 40“ е поканета на Гала вечера во најлуксузниот „Ciragan Palace Kempinski Istanbul“ на 15 јуни. На гала вечерата ќе присуствуваат сите номинирани во оваа категорија и официјално ќе им бидат врачени наградите.

Со искуство во многу различни гранки, нејзината кариера се проширува во неколку индустрии од кои таа се искачува од позиција на вработен кој „жонглира“ од работа на работа – до сопственик на признаена компанија со врвен бренд.

Со голема храброст, посветеност и одлучност, таа влегува во „машкиот свет“ и ги инспирира и поттикнува жените да заборават на сите наметнати општествени правила кои ги спречуваат да ги остварат своите животни цели и соништа.

„Стојковска ги поместува границите и поставува нови стандарди и правила за тоа како со различен пристап кон вашите вработени, заедно со нив, можете да ја искачите компанијата на врвот“, пишува „Business Elite Awards“ за 38-годишната бизнисменка од Македонија.

„Мој Дилер“ под водство на Дијана не престанува да постигнува големи резултати и успешно да се пробива дури и надвор од домашните граници. Компанијата е препознаена од МАТТО (Македонско-турска стопанска комора) – ја имаат нивната поддршка и стануваат нивна Платинум членка.

„Нејзиниот ангажман во хуманитарна работа и вклученоста во многу значајна невладина организација за поддршка на млади во социјален ризик, ја прави вистински претставник на бизнис лидерите од новата генерација вредни за следење“, заклучува „Business Elite Awards“ во своето претставување на Дијана Стојковска во престижната програма „40 Под 40“.