Документарецот „Леле луѓе што направивме“ премиерно ќе се прикажува овој викенд

Документарецот „Леле луѓе што направивме, радувај се Македонијо” премиерно ќе се прикажува овој викенд. Документарниот филм ќе биде промовиран викендов, 13. и 14.ноември, на Телевизија 24 од 20:45 часот.

Пласманот на кошаркарската репрезентација во полуфиналето на Европското првенство во Литванија кончно и во документарниот филм „Леле луѓе што направивме, радувај се Македонијо” кој денеска го промовираше Олимпискиот комитет на Македонија, Кошаркарската федерација и продукцијата „ТриСтар”

На денешната прес-конференција , Сотир Сотировски од продукцијата „ТриСтар”, кажа дека  документарниот филм е изработен во две продолженија, а на него работела една млада, мотивирана, искусна екипа.

„Идејата за филмот доаѓа од уредникот на порталот за кошарка „Кош.мк”, Љубомир Ошавковски и останатата екипа, а со несебична поддршка на Олимпискиот комитет на Северна Македонија, Kошаркарската федрација, како и други спонзори кои ја препознаа идејата, креиравме едно дело кое треба да остане запаметено и да го презентира огромниот национален успех и радост која што се случи во 2011 година, рече Сотировски.

Претседателот на Олимпискиот комитет, Даниел Димевски, пак рче: „Тоа беше почеток на нова ера на македонскиот спорт, која нè ослободи сите, ни го даде она што ни беше неопходно да се почувствуваме дека сме и ние достојни за врвни спортски резултати. Мислам дека оттогаш навака, спортска Македонија е различна, многу посамоуверена. Впрочем, после тоа дојдоа и сите поголеми успеси и на репрезентативен, и на клупски, и дај боже сега и на олимписки план“.

Своевремениот селектор на репрезентацијата, Марин Докузовски, пак вли дека  ова е еден прекрасен филм кој што ќе нè потсети на сето она што се случуваше тогаш.

– Драго ми е, многу сум среќен што е направен овој документарец и што тука има ситуации кои што обичните луѓе не можеа да ги видат на малите екрани. Имаше некои интересни моменти од нашите подготовки, од нашите тренинзи и од натпреварите, што мислам дека ќе направи да биде уште поинтересно гледањето на овој филм, рече Докузовски.