Домашен јафа-колач – Reporter.mk

Потребни состојки:

180 грама путер
180 грама шеќер
180 грама брашно
1 прашок за печиво
3 јајца
1 лажичка екстракт од ванила
300 милилитри сок од портокал
1 кесичка со желатин
200 милилитри павлака
200 грама црно чоколадо

Начин на подготовка:

Загрејте го сокот од портокал во длабок сад и пред да зоврие додадете го желатинот. Мешајте додека не се стопи и истурете ја смесата во длабока чинија, покријте ја со проѕирна фолија и кога ќе се олади, ставете ја во фрижидер.

Изматете ги путерот и шеќерот, додадете ги јајцата и ванилата, а потоа измешајте го брашното со шпатула. Загрејте ја рерната на 160 степени, израмнете го тестото во тркалезна тава и печете 30-35 минути додека убаво да зарумени од сите страни.

Загрејте ја павлаката речиси до вриење, тргнете ја од оган и промешајте го чоколадото. Мешајте додека не се стопи целосно. Првин ставете го желето од портокал на изладената торта, а потоа внимателно прелијте ја чоколадната глазура и изладете ја на собна температура, па послужете.