Експерти: Осаменоста е посмртоносна од пушењето 15 цигари секој ден, полоша е и од дебелината

Околу четвртина од постарите возрасни луѓе ширум светот се социјално изолирани, како и помеѓу 5-15 проценти од адолесцентите, покажаа последните истражувања.

Д-р Марти, која претседаваше со 11-члениот панел на СЗО, рече дека социјалната изолација има „длабоки здравствени и социјални последици“, вклучително и 30% поголем ризик од срцеви заболувања.

„Имаме обврска да вложиме исти напори во обновата на социјалното ткиво како и во решавањето на другите глобални здравствени проблеми, како што се употребата на тутун, дебелината и кризата со зависности“, рече тој.

Во советодавното обраќање, д-р Вивек Мурти ги повика Американците да поминуваат повеќе време со пријателите, семејството и колегите и помалку време на Интернет, пред екраните на паметните телефони и социјалните мрежи.

Социјалната изолација има исто негативно влијание врз здравјето како и пушењето 15 цигари дневно, се вели во советодавниот извештај. Полошо е и од дебелината или недостатокот на физичка активност.

Осаменоста го зголемува ризикот од прерана смрт за речиси 30%, а луѓето со лоши социјални односи имаат поголем ризик од мозочен удар и срцеви заболувања. Изолацијата исто така ја зголемува веројатноста за депресија, анксиозност и деменција.

Денес, повеќе од половина од Американците доживуваат осаменост, особено помладите возрасни. Времето што Американците го поминуваат со пријателите се намали за 20 часа месечно помеѓу 2003 и 2020 година.

Во исто време, времето поминато во осаменост се зголеми за 24 часа месечно, што дополнително беше влошено со затворањето на пандемијата. За време на пандемијата, училиштата и работните места беа затворени, а милиони луѓе беа изолирани дома, далеку од своите најблиски. Технологијата дополнително го влоши проблемот.

Едно истражување покажа дека луѓето кои користеле социјални медиуми два или повеќе часа на ден имаат повеќе од двапати поголеми шанси да се изјаснат дека се чувствуваат социјално изолирани во споредба со оние кои поминуваат помалку од 30 минути дневно на тие апликации.

Истражувањата покажуваат дека Американците, кои станале помалку поврзани со верските заедници, социјалните групи, па дури и со нивните семејства во последните децении, сè почесто пријавуваат чувство на осаменост.

Бројот на домаќинства со едно лице во САД е двојно зголемен во последните 60 години.

Со цел да се борат со осаменоста, децата треба да се научат како да градат и одржуваат здрави односи, да разговараат со пријателите, да се придружуваат на друштвени клубови, да волонтираат или да ручаат со луѓе, се советува во извештајот.

Социјално поврзаните луѓе живеат подолго, бидејќи осаменоста може да предизвика хроничен стрес што доведува до воспаление и оштетување на ткивото и крвните садови.

Извор: nova.rs