Загадувањето на авионите е веќе минато, научниците со решение за овој децениски проблем

Научници од Универзитеот во „Оксфорд“ велат дека можеби пронашле начин како да го намалат загадувањето, предизвикано во воздушниот сообраќај, пренесуваат медиумите.

Тие успеале да го претворат јаглен-диоксидот (CO2) во гориво со нулта емисија на отровни гасови. Техниката се состои од загревање на мешавини со лимонска киселина, водород и катализатор, составен од жива, манга и калциум, за да CO2 го претвори во течно гориво, за погон на авионите.

Како што пишува Endaget, овој пристап е евтин, едноставен и користи материјали кои ги има во изобиле, а значително е поевтин од процесот на претворање на водород и вода во гориво.

Горивото во моментов е произведено само во лабораториски услови и во минимални количини (само по неколку грама), но претставува голем напредок во производството на горива кои не ја загадуваат околината. За комерцијална употреба, потребно е уште многу работа и усовршување на техниките и процесот.

Во моментов, сè уште не е пронајден начин за ефикасно се соберат големи количини на јагледн-диоксид. Научниците се во потрага за индустриски партнери, кои би им овозможиле масовно производство. Кога би успеале во тоа, би добиле уште една алтернатива која би била исклучително популарна за авио-превозниците.

Воздушниот сообраќај на тој начин полека ќе се префрли на чисти енергетски извори, а многумина планираат и купување на електрични авиони или авиони кои користат и некои други врсти на горива. Предноста на споменатиот метод е тоа што нема да биде потребно да се менуваат авионите затоа што постоечките мотори веќе користат гориво засновано на CO2.