Крај на една прекрасна љубовна приказна: ја сакаше оваа убавица уште од своите 12 години и живееја како во бајка цела деценија

Лука Дончиќ и Анамарија Голтес беа во центарот на вниманието овие денови, а НБА ѕвездата официјално го потврди раскинувањето на нивната свршувачка.

НБА ѕвездата Лука Дончиќ го потврди раскинувањето на неговата свршувачка со Анамарија Голтес, со која доби две ќерки за време на нивната десетгодишна врска. Во својата последна изјава за ESPN, тој откри и дека се бори за старателство над своите ќерки Габриела и Оливија.

Luka Dončić and Ana Maria Call Off Engagement: What Happened?: Luka Dončić and Ana Maria have called off their engagement due to conflicting schedules and lifestyle differences,… https://t.co/EJb1nt7oNB #LukaDoncic #AnaMaria #EngagementNews #CelebrityBreakup #RelationshipGoals pic.twitter.com/BXgDf5vZkk

— womanedit (@womanedit) March 7, 2026

„Ги сакам моите ќерки повеќе од сè. Направив сè што е во моја моќ да ги имам со мене во САД во текот на сезоната, но тоа не беше можно. Неодамна донесов тешка одлука да ја прекинам врската. Сè што правам – го правам за моите ќерки и секогаш ќе се борам да бидам тука за нив и да им го дадам најдобриот можен живот“, рече Дончиќ, потврдувајќи сè што беше напишано.

Љубовна приказна што траеше од детството
Веста за раскинувањето на кошаркарот и убавата Словенка ја шокираше домашната и меѓународната јавност, бидејќи тие важеа за еден од најхармоничните парови во светот на спортот. За да биде љубовната приказна уште потрогателна, тие се сакале уште од детството, а сè започнало на Хвар кога имале само 12 години. И сè поминало идилично, како во најубавиот љубовен филм, досега…

Lakers-Star Doncic in Love Battle: Split and fight for Kids: USLIVE reported it first already two weeks ago: Luka Doncic splits from fiance Anamaria Goltes and has a wild custody battle for… https://t.co/LvVbOtJwwD #LukaDoncic #CustodyBattle #LoveDrama #NBA #ParentingStruggles pic.twitter.com/8NWM4oAMqA

— USLive (@uslivecom) March 11, 2026

Иако биле деца кога се запознале, тие почнале да се забавуваат дури неколку години подоцна, околу 2016 година. Анамарија во тоа време била студентка, а Лука веќе одел по патот кон славата и НБА лигата.

Пред Лука да замине во НБА, тие раскинале, но набрзо сфатиле дека не можат да живеат еден без друг, па се смириле и започнал нивниот заедничкиот живот во Америка. И тоа бил единствениот пат кога се разделиле.

Анамарија била огромна поддршка за Лука во неговата кариера, а на 7 јули 2023 година, врската станала уште посилна – кога Лука ѝ предложил брак на Анамарија во Блед. Тој го избрал тој датум поради бројот 77 што го носи на дресот, а Анамарија без размислување рекла „да“.

Сè продолжи да тече на начинот на кој течат најубавите љубовни приказни кои се градат спонтано, сами по себе…

Две девојчиња како круна на љубовта
Анамарија и Лука станаа родители набргу по свршувачката. Во декември 2023 година, тие го добија своето прво дете – ќерката Габриела, дополнително зацврстувајќи ја нивната љубов.

Две години подоцна, во декември 2025 година, семејството доби уште еден член, и овој пат девојче, кое родителите го крстија Оливија.

И додека сите мислеа дека организацијата на луксузната свадба што требаше да се одржи оваа година во јули оди добро, беа изненадени од сосема спротивниот, неочекуван исход на настаните и крајот на една од најубавите љубовни приказни. Анамарија и Лука раскинаа, а од неодамна, тоа е официјална вест.

Анамарија наводно ги напуштила САД со децата, а пред неколку дена ги избриша сите нивни заеднички фотографии од Инстаграм, што беше јасна порака дека нешто не е во ред.

Пред неколку месеци се шпекулираше дека нивната врска не оди добро, но со оглед на сè низ што поминале заедно уште од тинејџерските години, беше тешко да се поверува дека ова всушност ќе се случи.