пред 2 години Во Шведска по 32. пат се отвори ледениот хотел, сместен 200 километри северно од Арктичкиот Круг. Оваа година првпат има и кралски апартман, кој го дизајнираше шведскиот принц Карл Филип. Апартманот наречен „Сон на летната ноќ“, содржи цвеќиња и растенија затворени во ледени блокови.
Синот на шведскиот крал Карл Густаф и кралицата Силвија е меѓу 27 дизајнери и уметници од цел свет кои го креираа најновото издание на хотелот. Ледениот хотел има 12 уметнички апартмани, 24 ледени соби и церемонијална сала.
„Ајсхотел“ го основа Ингве Бергквист во 1989 и оттогаш, секоја зима одново се гради, а потоа како ќе затопли, се топи.
Хотелот, кој беше отворен на 10 декември, оваа година се градеше шест недели. За неговата изградба биле искористени 25.000 кубици мраз и снег од реката Тоне, што е еднакво на големината на десет олимписки базени. Во хотелот има и лустери кои содржат 200 рачно изработени ледени кристали. „Ајсхотел“ ќе биде отворен до април догодина.
Би можело да ве интересира
(Видео) Огромна риба извлечена од езерцето во Градскиот парк
Саша Ковачевиќ се соблече гол на Тајланд
Чоколадна торта „Срце со карамела“
Разводот ја чинеше Адел половина од богатството
TOYOTA RAV4 – Од прв во светот до најдобар во светот и во Македонија
Северина бесна на властите, „Вие ми го земавте детето“
